Святому Отцу и Сыну сѣдящимъ(3) на горѣ Синайстей, идущимъ дванадесятію дѣвицамъ; онъ же рече имъ: „окаянныя діявольницы, что есть вы, и къ кому грядете?“ И отвѣща едина изъ нихъ: „мы есть трясовицы, дщери царя Ирода; идемъ мучить весь родъ человѣческій“. И услыша святый отецъ Сисиній, помолися Господу, глаголя: „Господи, Іисусе Христе, Боже, избави родъ человѣческій отъ таковыхъ окаянныхъ діявольницъ“. Господь посла святаго архистратига Михаила и четырехъ евангелистовъ: Марка, Луку, Матфея и Іоанна Богослова.
Они же ихъ поимаша и начаша мучить тремя дубцами желѣзными, и даша имъ множество ранъ. Они, окаянные, начаша молитися имъ. Святый Сисиній, архистратигъ Михаилъ и четыре евангелиста: Марко, Лука, Матфей, Іоаннъ Богословъ глаголаша къ нимъ: „что есть имена ваша?“ И рече первая: „мнѣ есть имя Трясови́ца. Яко пещь распаляетъ дровами, тако я распаляю у человѣка всѣ члены и кости“.
Вторая рече: „мнѣ есть имя Меді́я(1), зноблю бо у человѣка всѣ члены, и тотъ человѣкъ не можетъ согрѣтися въ пещи“.
Третія рече: „мнѣ есть имя Ярусто́шо, ложуся у человѣка во главѣ и закладываю уши, и тотъ человѣкъ бываетъ глухъ“.
Четвертая рече: „мнѣ есть имя Ко́ркуша, ложуся у человѣка подъ ребрами, и тому человѣку тяжко дыхати“.
Пятая рече: „мнѣ есть имя Корко́дія, ложуся у человѣка подъ воздухами, и, аще что вкуситъ изъ пищи, то зъ души скинетъ“.
Шестая рече: „мнѣ есть имя Желто́дія. Яко въ полѣ цвѣтъ цвѣтетъ и желтѣетъ, тако и у того человѣка тѣло таетъ и увядаетъ“.
Седьмая рече: „мнѣ есть имя Лю́мія(2), ломитъ бо у того человѣка всѣ кости“.
Осьмая рече: „мнѣ есть имя Секу́дія — то-есть всѣхъ проклятѣйшая: сѣку жилы въ одно мѣсто“.
Девятая рече: „мнѣ есть имя Пухлі́я — пускаю въ народъ опухоль“.
Десятая рече: „мнѣ есть имя Чемі́я — я ножныя жилы свожу“.
Перваянадесятъ рече: „мнѣ есть имя Нелю́дія — ночью сна не даю, но къ себѣ никого не допущаю, и съ ума человѣка свожу“.
Втораянадесятъ рече: „мнѣ есть имя Неві́я — вся проклятая и старѣйшая трясовица... Не можетъ человѣкъ отъ меня излѣчиться и лишится жизни“.
Сноски
3 ) Нужно читать: „Святому отцу Сисинію сѣдящему“, и т. д.
1 ) Вѣроятно — Ледея — отъ слова ледъ.
2 ) Вѣроятно — Ломея.